Нанҳәамза 6, 2026 шықәса рзы Аԥсны Адәныҟатәи аусқәа рминистр Олег Барцыци Ростов-На-Дону иҟоу Аԥсны аҳаҭыртә консул Адик Аршбеи аусуратә еиԥылара мҩаԥыргеит.

Аиԥылара иара убас ихы алаирхәит астратегиатә усеицура Адепартамент аиҳабы Џьемал Бганба.

Аиԥылараан Адик Аршба адырра ҟаиҵеит аконсултә корпус ахаҭарнакцәеи Ростовтәи аобласт иахьаҵанакуа аккредитациа змоу адипломатиатә хаҭарнакрақәа рнапхгаҩцәеи анҭыҵтәи аусмҩаԥгатәқәа ишрылахәыз. Ус еиԥш аусмҩаԥгатәқәа ируакын Азовтәии Багаевтәии араионқәа рнаплак хадақәа рҭаара.

Азовтәи араион Новоалександровтәи ааглыхратә зонаҿы алахәылацәа ирзеиҭарҳәеит азауад «АСВА» – Урыстәыла иреиҳау ақәныхәша ҭзыжьуа анаплакы аусура атәы.

Адик Аршба иазгәеиҭеит асеиԥш иҟоу аҭаарақәа шымҩаԥысуа адипломатиатә корпус хылаԥшра азҭо Ростовтәи аобласт агубернатор актәи ихаҭыԥуаҩ Алексеи Господареви арегион аекономикатә ҿиара аминистр Павел Павлови алархәны.

Аусмҩаԥгатә иалахәын Ростов-на-Дону иҟоу Урыстәыла АдәАР ахаҭарнак инапынҵақәа назыгӡо Елена Стафорова, Ростов-на-Дону иҟоу Ареспублика Ермантәыла аконсул хада Левон Минасиан, Ростов-на-Дону иҟоу Ареспублика Беларусь аконсулра хада анапхгаҩы инапынҵақәа назыгӡо Дмитри Шкурдь.

Иара убасгьы Адик Аршба аминистр изеиҭеиҳәеит Урыстәылатәи Афедерациа аҵакыраҿы ирбаандаҩу Аԥсны Аҳәынҭқарра атәылауаҩ Иракли Бжьинаа иҭаара атәы.

Иара инарҭбааны далацәажәеит Бжьинааи иареи реиԥылара, уи дахьыҟоу имоу аҭагылазаашьақәа ртәы.

Адик Аршба даҽазныкгьы ишьақәирӷәӷәеит Аԥсны Аҳәынҭқарра атәылауаҩ Иракли Бжьинаа азиндырратәи аконсултәи цхыра