Аԥсны адәныҟатәи аусқәа рминистр Олег Барцыц зхадараҿы дыҟоу Аԥсны Аҳәынҭқарра аделегациа Шьамтәылатәи Арабтә Республика афинансқәа Рминистрра апавильон иаҭааит.
Аусмҩаԥгатә рхы аладырхәит Аԥсны афинансқәа рминистр Саид Гәбаз, Аԥсны акультура аминистр Даур Ақаҩба, Аԥсны адәныҟатәи аусқәа рминистр ихаҭыԥуаҩ Иракли Ҭыжәба, иара убас Аԥсны Аҳәынҭқарра аделегациа егьырҭ алахәылацәа.
Аҭаараан шьамтәылатәи аган ахаҭарнакцәа аԥснытәи аделегациа апавильон аекспозициа ддырдырит, Шьамтәылатәи Арабтә Республика афинансқәа Рминистрра аусура ахырхарҭа хадақәа ӡырыргеит.
Ҩ-ганктәи аинырра аҿиара азҵаарақәа рзы аҵакы змоу агәаанагарақәа реимдара мҩаԥысит.
Аԥсны афинансқәа рминистр Саид Гәбаз шьамтәылатәи иколлегацәеи иареи инҭкааны еицәажәеит. Агәцаракра рыман афинанстәи абанктәи усхкқәа рҿы аусеицура ахырхарҭақәа, иара убас апрактикатә еинырра ԥхьаҟатәи аҿиараз алшарақәа.
Аиԥылара аихшьаалақәа рыла аганқәа аимадарақәа реиқәырхареи наҟ-ааҟ аинтерес зызрымоу аусеицура ахырхарҭа ҿыцқәа рыхәаԥшреи ишазҿлымҳау шьақәдырӷәӷәеит.
